لە چین هەشت قوتابی دەکوژرێن

ئاڤا نیوز

لە شاری "ووشی"  لە چین بە چەقۆ هێرش دەکرێتە سەر قوتابییانی پەیمانگەیەک و هەشت لە قوتابییەکان دەکوژرێن. 

 

زانیاریی بەدەستهاتوو: قوتابیەکی تەمەن 21 ساڵ بە چەقۆ هێرشی کردە سەر قوتابیانی پەیمانگەی هونەر و تەکنەلۆجیا لە شاری ووشی لە چین، هەشت قوتابی کوژران و 17 کەسی دیکەش برینداربوون.

ڕاگەیێراوی فەرمی: پۆلیسی چین ڕایگەیاند: تاوانبارەکە دەستبەجێ دوای ڕووداوەکە لەلایەن پۆلیسی ناوچەکە دەستگیر کراوە.

ئەوەش بزانە: تا ئێستا هۆکاری هێرشەکە نەزانراوە و لێکۆڵینەوە لە شوێنی ڕووداوەکە بەردەوامە.