‘رامبۆ’ پشتی ترەمپ دەگرێت و ‘ئارنۆڵد’ڕەخنەبارانی دەکات

ئاڤا نیوز

 

ئارنۆڵد شوازێنێگەر، ئەکتەری بەناوبانگی هۆڵیوود ڕەخنە لە دۆناڵد ترەمپ، سەرۆکی هەڵبژێردراوی ئەمریکا دەگرێت و بە کەمکردنەوەی باجی سەر دەوڵەمەندەکان تۆمەتباری دەکات. لەبەرامبەردا سیلڤێستەر ستالۆن  ناسراو بە 'ڕامبۆ' ترەمپ بە جۆرج واشنتن دەچوێنێت.

 

لێدوانی فەرمی: لە نوێترین لێدوانیدا ئارنۆڵد شوازێنێگەر ڕەخنە لە ترەمپ دەگرێت و دەڵێت، "کەسێک کە توانای چەسپاندنی هیچ یاسایەکی نییە جگە لە کەمکردنەوەی باج کە یارمەتی سپۆنسەرەکانی و دەوڵەمەندەکانی دیکەی وەک من، بەڵام هەوڵەکانی لە قازانجی کەسانی دیکەدا نییە".

 

بۆچوونی لایەنی بەرامبەر: سیلڤێستەر ستالۆن ناسراوە بە  'ڕامبۆ'  یەکێک لە گەورەترین ئەستێرەکانی هۆڵیوود بە شێوەیەکی سەرنجڕاکێش باسی ترەمپ دەکات و بە  جۆرج واشنتن دەیچوێنێت.

 

لێدوانی فەرمی:  ڕامبۆ لە ستایشی ترەمپدا دەڵێت، "کاتێک جۆرج واشنتن بەرگریی لە وڵاتەکەی دەکرد، سەرەتا بیروبۆچوونی ئەوەی نەبوو کە بەم کارەی جیهان دەگۆڕێت. خۆشتان دەزانن بەبێ ئەو جیهان ئێستا چۆن دەبوو.با پێتان بڵێم ئێستا جۆرج واشنتنی دووەممان هەیە ئەویش دۆناڵد ترەمپە."