ئەپیكۆر بۆ ئاڤا: داوای جێبەجێكردنی ڕێككەوتنی نەوتی دەكەین

ئاڤا نیوز

 

گوتەبێژی ئەپیكۆر بە ئاڤا نیوزی ڕاگەیاند، ئێمە دەمانەوێت لێكتێگەیشتنێكی باش هەبێت لە نێوان حكومەتی هەرێمی كوردستان و عێراق و كۆمپانیاكان سەبارەت بە هەناردەكردنی نەوت.

 

وێنە گەورەكە: دوای ئەوەی وەزیری سامانە سرووشتییەكان لە ڕێگەی ئاڤا نیوزەوە ڕایگەیاند: لە ساڵی نوێدا هەناردەکردنەوەی نەوتی هەرێمی كوردستان لە ڕێگەی بەندەری جەیهانەوە دەستپێدەكاتەوە، گوتەبێژی ئەپیكۆریش لەو بارەیەوە دەڵێت، دەیانەوێت لێكتێگەیشتنێكی ڕوون هەبێت لەنێوان هەردوو حكومەت و كۆمپانیاكانی نەوتدا لە بارەی نرخی نەوت و كرێی كۆمپانیاكان.

 

لێدوانی فەرمی: مایڵز كاكێنز، گوتەبێژی ئەپیكۆر بە ئاڤا نیوزی ڕاگەیاند: ئێمە دڵخۆش و ئاسوودەین بەو بەرەوپێشچوونەی لەنێوان هەردوو لایەن هاتووەتە ئاراوە.

 

زانیاریی زیاتر: كاكێنز لە درێژەی قسەكانیدا بۆ ئاڤا نیوز گوتی:  لەگەڵ بەرپرسانی حکومەتی هەرێم و حکومەتی عێراق لەسەر خەتین بۆ ئەوەی نووسراوی فەرمی هەبێت لەسەر بڕگەكانی ئەو ڕێككەوتنەی كە باسكراوە، بۆ ئەوەی دەستبە هەناردەكردنەوەی نەوت بكرێت لە ڕێگەی بۆرییەوە، ئێمە بەدوای گەرەنتیدا دەگەڕێین پێویستمان بە لێكتێگەیشتنی ڕوون هەیە لە بارەی پارەی كۆمپانیاكان و قەرزەكانەوە