عەبادی: ئەمریکا ڕژێمی بەعسی گۆڕی نەک عێراقییەکان

ئاڤا نیوز

 

حەیدەر عەبادی، سەرۆکوەزیرانی پێشووتری عێراق پێی وایە، کاراکتەرە عێراقییەکان ڕژێمی پێشووی بەعسیان نەگۆڕی، بەڵکو ئەمریکا ڕۆڵی یەکلاکەرەوەی هەبوو. 

 

لێدوانی فەرمی: حەیدەر عەبادی، سەرۆکوەزیرانی پێشووتری عێراق دەڵێت: ئەمریکا پرۆژەی گۆڕانکارییان هەبوو، بەڵام پرۆژەیان نەبوو بۆ بوونیادنانەوە، سیستمی ئێستای بەڕێوەبردنی عێراق دیموکراسی تێدانییە، پێویستە پێداچوونەوە بە پرۆسەی سیاسیدا بکرێت، دۆخەکە وای لێهاتووە، سیاسییەکان ئێستا بوێری ئەوەیان نییە بەئازادی بە شەقامەکاندا بسوڕێنەوە.

 

زانیاریی زیاتر: هەر بەگوتەی عەبادی، هەندێک لە کەسایەتییە سیاسییەکانی ئێستا متمانەیان بەخۆیان نییە، لەبەر ئەوەی لە کەسانی بەتوانا دەترسن و پۆستی باڵایان پێنادەن.