ئەحمەد داود ئۆغڵو بۆ مەسرور بارزانی: پێگەی هەرێمی کوردستان گرنگە

ئاڤا نیوز

 

سەرۆکوەزیران مەسرور بارزانی پێشوازی لە ئەحمەد داود ئۆغڵو، سەرۆکی پارتی ئاییندە کرد و لەبارەی چەند تەوەرێکەوە گفتوگۆ کرا.

 

وێنە گەورەکە: ڕۆژی یەکشەممە 24-11-2024 سەرۆکوەزیران مەسرور بارزانی، پێشوازی لە ئەحمەد داود ئۆغڵو، سەرۆکی پارتی ئاییندە و سەرۆکوەزیرانی پێشووتری تورکیا کرد، گفتوگۆ لەبارەی پەیوەندییەکانی هەرێمی کوردستان و تورکیا، هاوکات دۆخی عێراق و ناوچەکە کرا.

 

لەلایەکی دیکەوە: سەرۆکوەزیران مەسرور بارزانی، خواستی هەرێمی کوردستانی بۆ بەرەوپێشبردنی پەیوەندییەکان لەگەڵ کۆماری تورکیا لە بوارە جۆراوجۆرەکاندا دووپات کردەوە.

 

ڕاگەیێنراوی فەرمی: لە کۆبوونەوەکەدا کە ئەرمان تۆپچوو، کونسوڵی گشتیی تورکیا ئامادەی بوو، پەرەپێدانی پەیوەندییەکانی تورکیا و هەرێمی کوردستان و دوایین دۆخی گشتیی عێراق و ناوچەکە تاوتوێ کرا.

 

ئەمەش بزانە: ئەحمەد داود ئۆغڵو، سەرۆکی پارتی ئاییندە، ئاماژەی بە پێگەی گرنگی هەرێمی کوردستان کرد و جەختی لە بەهێزترکردنی پەیوەندییەکانی تورکیا لەگەڵ هەرێمی کوردستان کردەوە.