ئاراس ئەردەڵان: لە هەرێمی کوردستان ئازادییەکی زۆر بۆ کاری هونەری هەیە

ئاڤا نیوز

 

هونەرمەندێکی باکووری کوردستان، بۆ تۆمارکردنی کلیپێک سەردانی هەرێمی کوردستانی کردووە و ئێستا لە شاری زاخۆ سەرقاڵی وێنەگرتنی کلیپەکەیەتی.

 

لێدوانی فەرمی: ئاراس ئەردەڵان، هونەرمەندی باکووری کوردستان، لەمیانی بەشداریکردنی لە بڵاوکراوەی هەواڵی کولتووریی ئاڤا میدیا گوتی: زۆربەی گۆرانییەکانم لە باشووری کوردستان کلیپ دەکەم، چونکە لێرە ئازادییەکی زۆر هەیە و حکومەتی هەرێمی کوردستانیش زۆر هاوکاری هونەرمەندانە.

 

ئاراس ئەردەڵان لە درێژەی قسەکانیدا ئاماژەی بە پاراستنی مافی هونەرمەندان کرد و گوتی: لە تورکیا هەموو مافێکی هونەرمەندان و گۆرانییەکانیان پارێزراوە، بەڵام لە هەرێمی کوردستان لەگەڵ ئەوەی هونەرمەندان زۆر بە کارە هونەرییەکانیانەوە ماندوو دەبن، بەڵام مافی بەرهەمەکانیان پارێزراو نییە.

ئەمەش بزانە: سەبارەت بە نوێترین کاری هونەری، ئەم هونەرمەندەی باکووری کوردستان ڕایگەیاند: سێ بەرهەمی نوێی ئامادەیە و بڕیارە لە هەرێمی کوردستان کلیپیان بۆ بکات و سەری ساڵ بڵاویان بکاتەوە.