پێنج قوتابخانە لە گوندەکانی سنووری خەلیفان لە کەرەڤانە دەوام دەکەن

ئاڤا نیوز

 

بەهۆی نەبوونی بینای پێویست قوتابخانەی بەشێک لە گوندەکانی سنووری قەزای خەلیفان لە کەرەڤانە دەوام دەکەن، قایمقامی شارەکەش دەڵێت، "هەشت قوتابخانەمان پێویستە و چاوەڕوانی بڕیاری وەزارەتی پەروەردەین".

لیدوانی فەرمی: مەغدید عەریف حەمە، قایمقامی خەلیفان بە ئاڤا نیوزی ڕاگەیاند: بەهۆی نەبوونی بینای پێویست، پێنج قوتابخانە لە گوندەکانی سنوورەکەمان لە کەرەڤانە دەوام دەکەن، ئەوەش کاریگەری لەسەر ڕەوشی خوێندن دروست کردووە.

 

قایمقامی خەلیفان دەشڵێت: پێویستمان بە دروستکردنی هەشت قوتابخانە هەیە، چاوەڕوانین وەزارەتی پەروەردە بڕیارێک لەو بارەیەوە بدات.

 

لەلایەکی دیکە: لە سنووری خەلیفان چەندین قوتابخانە هەیە کە سەربانەکانیان گڵە و وەزارەتی پەروەردە بڕیاری داوە نۆژەنیان بکاتەوە، بەگوتەی قایمقامی خەلیفان تاوەکو ئێستا ئەو بڕیارەش جێبەجێ نەکراوە.