کۆشکی سپی: ئەوەی لە سووریا دەگوزەرێت بەهۆی پشتبەستنی ئەسەدە بە ئێران

ئاڤا نیوز

 

گرووپی تەحریرولشام و گرووپە چەکدارەکانی دیکەی ئۆپۆزسیۆنی سووریا بە خێرایی شارەکانی سووریا دەگرن و هێزەکانی سوپای سووریاش لە پاشەکشەی بەردەوامدان. ئەمریکاش هۆکاری ئەوەی لە سووریا دەگوزەرێت بۆ ئەوە دەگەڕێنێتەوە کە بەشار ئەسەد، سەرۆکی سووریا پشتی بە ئێران بەستبوو.

 

ڕاگەیێنراوی فەرمی: کۆشکی سپی ئەمریکا ڕایگەیاند، "بەهۆی ئەوەی بەشار ئەسەد، سەرۆکی سووریا بەردەوام ڕەتی کردووەتەوە بەپێی بڕیارەکانی نەتەوەیەکگرتووەکان بەشداریی لە کایە سیاسیەکان بکات، هاوکات داڕمانی دەسەڵاتی ئێستای ئەسەد لە باکوور و ڕۆژهەڵاتی سووریا، بۆ ئەوە دەگەڕێتەوە کە پشتی بە ئێران و ڕووسیا دەبەست". 

 

لەلایەکی دیکە: کۆشکی سپی ئاماژەی بەوەشداوە، کە جۆ بایدن، سەرۆکی ئەمریکا، کاتێک باسی ئەوەی کردووە کە پێویستە هێزەکانی ئەمریکا لە ناوچەکە بمێننەوە تاوەکو دووبارە داعش سەرهەڵنەداتەوە، مەبەستی [لە کاتێکی ئاوا بووە] کە ئێستا لە سووریا دەگوزەرێت. 

 

ئەوەی لەبارەیەوە دەگوترێت: ئاژانسی بلومبێرگ لە زاری بەرپرسانی ڕووسی بڵاویکردووەتەوە، کریملن هیچ پلانێکی نیە بۆ ڕزگارکردنی دەسەڵاتی سووریا، بە تایبەتی کاتێک سووپای سووریا بەردەوامە لە کشانەوە