بالیۆزخانەی عێراق لە سووریا داخرا

ئاڤا نیوز

 

دوای کۆنترۆڵکردنی پایتەختی سووریا لەلایەن چەکدارانی تەحریرولشام و ڕاگرتنی سەرجەم گەشتەکانی عێراق بۆ ئەو وڵاتە، باڵیۆزخانەی عێراق تەواوی کارمەندانیشی گواستەوە بۆ لوبنان.

زانیاریی بەدەستهاتوو: دوای ئەوەی بەرەبەیانی ئەمڕۆ ئۆپۆزیسیۆنی سووریا کۆنترۆڵکردنی دیمەشقی پایتەختی ڕاگەیاند، کەمێک پێش ئێستا باڵیۆزخانەی عێراق سەرجەم کارمەندانی گواستەوە بۆ لوبنان.

 

بەتەنیشت ئەم بابەتەوە: پێشتر ئەحمەد وشیار، بەڕێوەبەری فرۆکەخانەی هەولێر بە ئاڤا نیوزی ڕاگەیاند: گەشتە ئاسمانییەکانی نێوان هەولێر و دیمەشقی پایتەختی سووریا تا کاتێکی نادیار ڕاگیراون.

 

بەڕێوەبەری فرۆکەخانەی هەولێر گوتیشی: شەوی ڕابردوو کاتژمێر 9ی شەو گەشتێکمان هەبووە، بەڵام بەهۆی ئەم بارودۆخەوە ئەویش ڕاگیرا.