‎هێزەكانی سووریای دیموكرات جارێكی دیكە مەنبجیان كۆنترۆڵكردەوە

ئاڤا نیوز

 

‎دوای ئەوەی هێزەكانی ئۆپۆزسیۆنی سووریا هێرشیان كردە سەر دیمەشق و كۆنترۆڵیانكرد، هێزێكی زۆریان كۆكردەوە بۆ هێرشكردنە سەر مەنبج، لە چەندین قۆڵەوە هێرشیان كرد، شەڕێكی قورس لە نێوان هەسەدە و ئۆپۆزسیۆندا ڕوویدا.

 

‎وێنە گەورەکە: دوای چەند كاتژمێرێک لە شەڕی سەخت لە نێوان هێزەكانی سووریای دیموكرات و هێزەكانی ئۆپۆزسیۆن لە دەورووبەری مەنبج، هێزەكانی سووریای دیموكرات توانییان چەكدارانی ئۆپۆزیسیۆن لە مەنبج و دەورووبەری دەرپەڕێنن و كۆنترۆڵی بكەنەوە.

 

‎لێدوانی فەرمی: سەرچاوەیەكی ئەمنی لە مەنبج كە نەیویست ناوی خۆی ئاشكرا بكات و لە ناو جەرگەی شەڕەكەدایە بە ئاڤا نیوزی گوت، زیاتر لە 40 چەكداری ئۆپۆزیسیۆنیان كوشتووە و توانییویانە مەنبج كۆنترۆڵبكەنەوە و ئامادەشنین ئەو شارە ڕادەستی هیچ لایەك بكەن.