ڕاوێژکاری ئەنجوومەنی وەزیرانی سووریا بۆ ئاڤا: متمانەمان بە بڕیاری گەلی سووریا هەیە

ئاڤا نیوز

 

ڕاوێژکاری ئەجوومەنی وەزیرانی سووریا ڕایدەگەیێنێت، بەربەستی زۆر هەیە لەبەردەم حکومەتی نوێ هەیە، بەڵام متمانەیان بە بڕیاری گەلی سووریا هەیە.

 

چیرۆکی سەرەکی: دوای کۆنتڕۆڵکردنی دیمەشقی پایتەخت لەلایەن چەکدارانی ئۆپۆزیسیۆنی سووریا و نەمانی دەسەڵاتی بەشار ئەسەد، محەممەد بەشیر- بۆ پێکهێنانی حکومەتی ڕاگوزەر ڕاسپێردرا، ئێستا وڵاتەکە لەبەرەم قۆناغێکی چارەنووسسازدایە.

 

لێدوانی فەرمی: عەبدولقادر عەزوز، ڕاوێژکاری ئەنجوومەنی وەزیرانی سووریا بە ئاڤا نیوزی ڕاگەیاند: هەرچەندە حکومەتی ڕاگوزەر بەربەستی زۆری لەبەردەمدایە، بەڵام دەبێت پەلە بکرێت لە دابینکردنی سەقامگیریی بۆ پێکهاتەکانی سووریا، هاوکات سزای ئەوانە بدات کە جیاکاری لەنێوان پێکهاتەکان دەکەن و ئەمەی هەیە قۆناغێکی نوێ و چارەنووسازە بۆ وڵاتەکە.

 

گۆشەیەکی دیکەی دیمەنەکە: جگە لەوەی وڵاتەکە بە بارودۆخێکی ناهەمواردا تێدەپەڕێت، سوپای ئیسرائیل دەیەوێت توانا سەربازییەکانی سووریا لەناو ببات، لە دوو ڕۆژیشدا 310 هێرشی کردووەتە سەر فڕۆکەخانە، وێستگەی سیگناڵی سەربازیی و چەندین کۆگای چەک و تەقەمەنی لە تەواوی سووریا.