ڕۆژنامەنووسان داوای سوودمەندبوون لە وەرگرتنی زەوی دەکەن

ئاڤا نیوز

 

 

سەندیکای ڕۆژنامەنووسانی کوردستان داواکارییەکی پێشکەشی ئەنجوومەنی وەزیران کردووە، بۆ ئەوەی ڕۆژنامەنووسان لە پرۆسەی وەرگرتنی زەوی سوودمەند ببن و هاوشێوەی فەرمانبەرانی حکومی ناویان بچێتە نێو تیروپشک.

 

 

وێنە گەورەکە: وەزارتی شارەوانی و گەشتوگوزار زیاتر لە 300 هەزار پارچە زەوی بە چەند قۆناغێک دابەش دەکات، فەرمانبەر و خانەنشینان دەگرێتەوە، بەڵام بەشێکی زۆری ڕۆژنامەنووسان فەرمانبەری حکومی نین، بۆیە دەیانەوێ هاوشێوەی فەرمانبەران لە وەرگرتنی زەوی سوودمەند دەبن.

 

لێدوانی فەرمی: ئازاد حەمەدەمین، نەقیبی سەندیکای ڕۆژنامەنووسانی کوردستان بە ئاڤا نیوزی گوت، "بەگوێرەی یاسای ژمارە 35ـی ڕۆژنامەگەریی ساڵی 2007 دەبێت هاوشێوەی فەرمانبەران مامەڵە لەگەڵ ڕۆژنامەنووساندا بکرێت، نووسراومان بۆ ئەنجوومەنی وەزیران کردووە، بۆ ئەوەی لە پرۆسەی دابەشکردنی زەوی پشکی ڕۆژنامەنووسان دابین بکرێت و چاوەڕێی وەڵامین".

 

ئەوەی پێویستە بیزانیت: لە ئەگەری وەرگرتنی ڕەزامەندی، زیاتر لە سێ هەزار ڕۆژنامەنووس مافی وەرگرتنی زەویان دەبێت، لە شوێنی نیشتەجێبوونیان تیروپشکی وەرگرتنی زەویان بۆ دەکرێت.