چەند وڵاتێکی ئەوروپی داوای سەپاندنی سزا دەکەن بەسەر ئێراندا

ئاڤا نیوز

 

سێ وڵاتی ئەوروپی داوای سەپاندنەوەی سزاکانی سەر ئێران دەکەن بە ئامانجی ئەوەی بەتەواوی چەکی ئەتۆمی لەو وڵاتە بنبڕبکرێت، هاوکات ئەمەش دەبێتە گورزێکی دیکە بۆ سەر ئەو وڵاتە. 

 

وێنە گەورەکە: ئەڵمانیا و بەریتانیا و فەرەنسا داوایان لە ئەنجوومەنی ئاسایشی نەتەوە یەکگرتووەکان کردووە، ئامادەن بۆ وەڵامدانەوەی خێرا و پێویست تاوەکو جارێکی دیکە سزای نێودەوڵەتیی بەسەر ئێراندا بسەپێنرێت تاوەکو توانای دەستگەیشتنی بە چەکی ئەتۆمی بە تەواوی لێ بسەنرێتەوە، ئەمەش لە کاتێكدایە کە لە 18ی ئۆکتۆبەری ساڵی داهاتوو بڕیاری ساڵی 2015 بە کۆتا دێت کە ئێرانی پابەند کردوو بە برەونەدان بە چەکی ئەتۆمی. 

 

لەلایەکی دیکەوە: ڕافائێل گرۆسی، بەڕێوەبەری گشتی ئاژانسی ئەتۆمی، بە ڕۆیتەرزی ڕاگەیاندووە، ئێران زۆر بە خێرایی ڕێژەی پاکی یۆرانیۆمی گەیاندووەتە 60 % لە کاتێکدایە ڕێژەی پێویست بۆ دروستکردنی چەکی ئەتۆمی 90 %ە. هاوکات وڵاتانی ئەوروپیش دەڵێن هیچ بیانوویەک نییە لەسەر ئەوەی ئێران پێتاندنی یۆرانیۆم بگەیەنێت بەو ئاستە. 

 

زانیاریی زیاتر: ئەم هەنگاوە لە کاتێکدایە نزیکەکانی ئێران وەکو حەماس و حیزبوڵڵا لە لوبنان لە لێواری نەماندان، هاوکات نەمانی دەسەڵاتی ئەسەدیش گورزێکی دیکەبوو.