پارتی و یەکێتی گەڕێکی دیکەی کۆبوونەوەکان دەستپێدەکەن

ئاڤا نیوز

 

گەڕی دووەمی کۆبوونەوەی شاندی پارتی و یەكێتی بەڕێوەدەچێت، ئەم هەفتەیە شاندی هەردوولا کۆدەبنەوە و گفتوگۆ لەسەر پۆستەکانی دەستەی سەرۆکایەتیی پەرلەمان و پێکهێنانی حکومەتی نوێ دەکەن.

 

وێنە گەورەکە: پرسی پێکهێنانی کابینەی دەیەمی حکومەتی هەرێمی کوردستان پەیوەستە بە گفتوگۆ و ڕێککەوتنی نێوان لایەنەکانەوە، پارتی و یەکێتی وەک براوەی یەکەم و دووەمی هەڵبژاردن گفتوگۆ لەسەر یەکلاکردنەوەی دەکەن.

 

زانیاریی تایبەت: سەرچاوەیەک لە مەکتەبی سیاسیی پارتی بە ئاڤای گوت، "بڕیارە ئەم هەفتەیە شاندی دانوستاندنکاری پارتی و یەكێتی کۆببنەوە، سبەی دووشەممە کات و شوێنی کۆبوونەوەکە یەکلا دەکرێتەوە".

 

ئەمەش بزانە: 16 ڕۆژ بەسەر دوایین کۆبوونەوەی نێوان پارتی و یەكێتی تێپەڕدەبێت، لەو کۆبوونەوەیەدا کە لە دەباشان بەڕێوەچوو،  بڕیاری بەردەوامی بە کۆبوونەوە و گفتوگۆ درا.