یەکێتیی ئەوروپا نوێنەری خۆی بۆ گفتوگۆکردن لەگەڵ حکومەتی نوێی سووریا دیاری دەکات

ئاڤا نیوز 

 

یەکێتی ئەوروپا بە فەرمی پەیوەندییەکانی لەگەڵ حکومەتی نوێی سووریا ڕاگەیاند و نوێنەری تایبەتی خۆی بۆ ئەو وڵاتە دیاریکرد.

 

لێدوانی فەرمی: کاجا کاڵاس، بەرپرسی سیاسەتی دەرەوەی یەکێتیی ئەوروپا ڕۆژی دووشەممە لە پەراوێزی کۆبوونەوەی وەزیرانی دەرەوە لە برۆکسل ڕایگەیاند: مایکل ئۆنماخت، دیپلۆماتکاری باڵای ئەڵمانیا سەردانی دیمەشق دەکات بۆ دامەزراندنی پەیوەندی لەگەڵ دەسەڵاتی نوێی سووریا.

 

زانیاریی زیاتر: مایکل ئۆنماخت ئەزموونێکی زۆری لە ڕۆژهەڵاتی ناوەڕاست هەیە بەو پێیەی پێشتر لە وڵاتانی لیبیا و لوبنان و سعوودیە باڵیۆزبووە.

 

هەنگاوی داهاتوو: دوای ڕووخانی دەسەڵاتی 53 ساڵەی ئەسەد لە سووریا، ئێستا حکومەتی نوێی سووریا پێکهێنراوە و وڵاتان دوای چەندین ساڵ نوێنەرەکانیان دەنێرنەوە بۆ ئەو وڵاتە و پەیوەندییەکانیان لەگەڵ  ئاسایی دەکەنەوە.