ئەمریکا: ئاگربەستی نێوان چەکدارانی نزیک لە تورکیا و هەسەدە درێژکرایەوە

ئاڤا نیوز

 

 

وەزاەتی دەرەوەی ئەمریکا ڕایگەیاند، ئاگربەست لە نێوان هێزەکانی سووریای دیموکرات و گرووپەکانی سەر بە تورکیا لە منبج درێژکراوەتەوە و شەڕ و پێکدادان لە نێوانیاندا ڕوونادات،

 

وێنەگەوەکە: گرووپە چەکدارەکانی نزیک لە توورکیا هێزێکی زۆریان لە سنووری منبج و لە دووری 20 کیلۆمەترەوە لە کۆبانێ جێگیرکراون و بەنیازن هێرشبکەنە سەرکۆبانێ، بەڵام ئەمریکا دەڵێت ڕێککەوتنی نێوان هەردوولا درێژکراوەتەوە و هێرشەکە ناکرێت.

 

لێدوانی فەرمی: ماتیۆ میلەر، وتەبێژی وەزارەتی دەرەوەی ئەمریکا بە ڕۆژنامەنووسانی ڕاگەیاند:" ئاگربەستی پێشووی مەنبەج کە بەسەرچووبوو، تا کۆتایی هەفتە درێژدەکرێتەوە و چاومان لەوە دەبێت کە ئاگربەست تا ئەو جێگایەی کە دەکرێت بۆ داهاتوو درێژدەبێتەوە".

 

ئەمەش بزانە: ئاگربەست لە نێوان گرووپە چەکدارەکان و هێزەکانی سووریای دیموکراتدا لە منبچ کرابوو، بۆ ئەوەی گرووپەچەکدارەکان هێرش نەکەنە سەر کۆبانێ و هەروەها هاووڵاتیان بتوانن بگەڕێنەوە سەر شوێن و ماڵی خۆیان و ئەندامانی ئەنجوومەنی بەڕێوەبەری منبج ئازاد بکرێن.