نەتەوەیەکگرتووەکان داوای هەڵبژاردنێکی پاک و بێگەرد لە سووریا دەکات

ئاڤا نیوز

 

دوای 10 ڕۆژ لە کەوتنی دەسەڵاتی بەشار ئەسەد لە سووریا، نەتەوەیەکگرتووەکان داوای هەڵبژاردنێکی پاک و بێگەرد لەو وڵاتە دەکات.

 

وێنە گەورەکە: دوای کەوتنی دەسەڵاتی بەشار ئەسەد، گیەر پیدەرسن، نوێنەری تایبەتی نەتەوەیەکگرتووەکان سەردانی سووریای کرد، لەگەڵ بەرپرسانی هێزە نوێیەکانی سووریا کۆبوویەوە و باسی پرسی پێکهێنانی حکومەتی نوێ لەو وڵاتە تاوتوێ کرا.

 

ڕاگەیێنراوی فەرمی: گەیر پیدەرسن، نوێنەری تایبەتی نەتەوەیەکگرتووەکان سەبارەت بە دۆخی ئێستای سووریا ڕایگەیاند: داوا دەکەین هەڵبژاردنێکی ئازاد و دادپەروەرانە لە سووریا ئەنجامبدرێت، هیواخوازین چارەسەری سیاسی بۆ سووریا بدۆزرێتەوە و هاوکاریی مرۆیی بگاتە دەستی گەلی سووریا.