وەزارەتی دەرەوەی ڕووسیا: زێلینیسکی بە ئووسامە بن لادن دەچوێنێت

ئاڤا نیوز

 

دوای هێرشەکەی سەر شاری کازانی ڕووسیا لەلایەن ئۆکراینا، وتەبێژی وەزارەتی دەرەوەی ڕووسیا ڕایگەیاند، ڤلۆدیمێر زیلینسکی، سەرۆکی ئۆکراینا "بووەتە سەرۆکی شانەیەکی تیرۆرستی". هاوکات بە ئووسامە بن لاندن، سەرۆکی پێشووی ڕێکخراوی ئەلقائیدەی دەچوێنێت.

 

وێنەگەورەکە: ڕۆژی 21-12-2024، ئۆکراینا بە چەند فڕۆکەی بێ فڕۆکەوان هێرشی کردە سەر شاری کازانی ڕووسیا و بەهۆیەوە فڕۆکەخانەی کازان گەشتەکانی ڕاگرت.

 

لێدوانی فەرمی: ماریا زاخارۆڤا، وتەبێژی وەزارەتی دەرەوەی ڕووسیا سەبارەت بە هێرشەکانی سەر شاری کازان ڕایگەیاند: ''ڤۆلۆدیمێر زیلینسیکی، سەرۆکی ئۆکراینا بووەتە سەرۆکی شانەیەکی تیرۆرستی کە خەڵکی مەدەنی و منداڵ و زانا دەکوژێت و هێرش دەکاتە سەر ژێرخانی مەدەنی، هەر بۆیەش ناوی 'ئوسامە' بن زیلینسکییە''.

 

زانیاریی زیاتر: مۆسکۆ توڕەیە لە بێدەنگی ڕۆژئاوا سەربارە بە هێرشی فڕۆکە بێ فڕۆکەوانەکانی ئۆکراینا بۆ سەر شاری کازان و داوا لە کۆمەڵگەی نێودەوڵەتی دەکات وەڵامی گونجاوی ئەم هێرشە بداتەوە.