گۆشەیەک بۆ کتێبە هیندییەکان لە کتێبخانەیەکی هەولێر دەکرێتەوە

ئاڤا نیوز

 

گۆشەیەکی تایبەت بە کتێبی هیندی لە کتێبخانەیەکی شاری هەولێر دەکرێتەوە و سەرکونسوڵی گشتیی هیندستانیش لە کۆنگرەیەکی ڕۆژنامەوانیدا گرنگییەکەی دەخاتەڕوو.

 

چیرۆکی سەرەکی: ڕۆژی سێشەممە 24-12-2024، مەدان گۆپال، سەرکونسوڵی گشتی هیندستان لە هەرێمی کوردستان کردنەوەی گۆشەیەکی هیندی لەناو کتێبخانەی ماڵی وەفایی لە هەولێر ڕادەگەیەنێت. کردنەوەی ئەم گۆشەیە لە چوارچێوەی ئاڵوگۆڕ و پەرەپێدانی پەیوەندیی کولتووریی لەنێوان هیندستان و هەرێمی کوردستان دێت.

 

لێدوانی فەرمی: ڕێبین فەتاح، بەڕێوەبەری ماڵی وەفایی بە ئاڤا نیوزی ڕاگەیاند: لە گۆشەکەدا ژمارەکی زۆر لە کتێبی تایبەت بە کولتوور، فەرهەنگ، فیکر و فەلسەفە، ئەدەب و میژووی هیندستان دادەنرێت، تاوەکو خوێنەران لە هەرێمی کوردستان دەستیان بەو سەرچاوانە بگات و سوودیان لێ وەربگرن.

 

زانیاریی زیاتر: لە قۆناغی داهاتوو هەوڵ دەدرێت گۆشەکە فراوان بکرێت و زۆرترین سەرچاوەی کتێبیش لە هیندستانەوە دەگەیێنرێنە هەرێمی کوردستان. هاوکات کۆمەڵێک کتێبی بەناوبانگ و ڕەسەنی هیندی دەستنیشان دەکرێن تاوەکو وەرگێڕانیان بۆ بکرێت.

 

لەلایەکی دیکەوە: تەیار گۆران، سەرۆکی ڕێکخراوی دۆستایەتیی کوردستان-هیندستان بە ئاڤا نیوزی گوت: نزیکەی 11 هەزار هاووڵاتی هیندی لە هەرێمی کوردستان دەژین.