پرۆژەی فریاگوزاری خێرایی ئاوی هەولێر 50%ی کارەکانی تەواو بووە

ئاڤا نیوز

 

پرۆژەی فریاگوزاریی خێرای ئاوی هەولێر نزیکەی 50%ی کارەکانی تەواو بووە، بە تەواو بوونی کێشەی کەمئاوی هەولێر 25 ساڵی دیکە چارەسەر دەبێت.

 

چیرۆکی سەرەکی: سەرۆکوەزیران مەسرور بارزانی، لە ڕێککەوتی 9-8-2024، بەردی بناغەی پرۆژەی فریاگوزاری خێرایی ئاوی هەولێری دانا، ئەم پرۆژەیە بەیەکێک لەپرۆژە سەرەکییەکانی کابینەی نۆیەمی حکومەتی هەرێمی کوردستان دادەندرێت، ژمارەیەکی زۆر بیری ئاو دادەخرێت کە پێشتر بۆ دابینکردنی ئاوی ماڵان پشتی پێدەبەسترا.

 

لێدوانی فەرمی: ئاری ئەحمەد، بەڕێوەبەری گشتی ئاو و ئاوەڕۆی هەرێمی کوردستان، بە ئاڤا نیوزی ڕاگەیاند: پرۆژەکە لە چوار هێڵی سەرەکی پێکدێت و بە تەواوبوونی پرۆژەکە نزیکەی 1200 بیری ئاو دادەخرێت و کێشەی کەمئاوی تا 25 ساڵی دیکە لە هەولێر کۆتایی پێدێنێت.

 

ئاری ئەحمەد، دەڵێت: تیمەکان بەشەو و ڕۆژ کار لە پرۆژەی فریاگوزاری خێرایی ئاوی هەولێر دەکەن، هەزاران کرێکار و سەدان ئامێر و بە سێ شەفت کار لە پرۆژەی فریاگوزاری خێرایی ئاوی هەولێر دەکەن و تاکو ئێستا 50%ـی کارەکان تەواوکراون، پرۆژەکە لە 95%ـی ئەو ناوچانە دەگرێتەوە کە پشتیان بە بیری ئاوی دەبەست بۆ خواردنەوە و بەکارهێنانی ڕۆژانە.

 

بەڕێوەبەری گشتی ئاو و ئاوەڕۆی هەرێمی کوردستان باسی ئەوەش دەکات، "پێشبینی دەکەین لە مانگی هەشتی ساڵی 2025 هەر چوار هێڵی پرۆژەی فریاگوزاری خێرایی ئاوی هەولێر بکەوێتە کار.