سەرۆکی دەزگای هەواڵگریی سووریا بەڵێنێک بە خەڵکی وڵاتەکەی دەدات

ئاڤا نیوز

 

سەرۆکی دەزگای هەواڵگریی گشتیی ئیدارەی نوێی سووریا بەڵێن بە گەلی سووریا دەدات کە سەرجەم دەزگا و سیستمە ئەمنییەکانی وڵات ڕێکبخرێنەوە.

 

لێدوانی فەرمی: ئەنەس خەتاب، سەرۆکی دەزگای هەواڵگریی سووریا ڕایگەیاند، "گەلی سووریا لەژێر دەسەڵاتی پێشوو ستەمی زۆریان بینیوە، بۆیە دوای هەڵوەشاندنەوەی تەواوی دامەزراوە ئەمینییەکان، دووبارە و سەر لەنوێ بوونیاد دەنرێنەوە، بەشێوەیەک کە شایستەی گەلەکەمان و قوربانیدانەکانی ئەوان بێت."

 

ئەمەش بزانە:  لەگەڵ کەوتنی دەسەڵاتی بەشار ئەسەد لە سووریا و هاتنە سەردەسەڵاتی دەستەی تەحریرولشام، ئەحممەد شەرع بەرپرسی ئیدارەی نوێی سووریا ئەنەس خەتابی وەک سەرۆکی دەستەی هەواڵگریی سووریا دەستنیشان کرد.