ڕووسیا و ئۆکراینا بە نێوەندگیریی ئیمارات 300 دیل ئاڵوگۆڕ دەکەن

ئاڤا نیوز

ڕووسیا و ئۆکراینا ڕایانگەیاند کە بە نێوەندگریی ئیمارات 300 دیلی جەنگییان ئاڵوگۆڕ کردووە. 

وێنە گەورەکە: لە سەرەتای شەڕەوە کە لە ساڵی 2022ـەوە لە نێوان ڕووسیا و ئۆکراینا دەستی پێکردووە، سەدان دیل لە نێوان هەردوو وڵاتدا ئاڵوگۆڕ کراون.

زانیاریی زیاتر: ئۆکراینا و ڕووسیا بە نزیکەیی تەنیا لە بواری ئاڵوگۆڕی دیلەکاندا پەیوەندییان هەیە و ئەوەش بە نێوەندگیریی لایەنی سێیەم بووە.

ڕاگەیێنراوی فەرمی: وەزارەتی بەرگریی ڕووسیا ڕایگەیاندووە، 150 سەربازی ڕووس لە ئۆکرایناوە بۆ ڕووسیا گەڕێنراونەتەوە و لە بەرامبەریشدا 150 دیلی جەنگیی سوپای ئۆکراینا ڕادەست کراونەتەوە، بەڵام ڤۆلۆدیمیر زێلێنسکی، سەرۆکی ئۆکراینا، ڕایگەیاند  وڵاتەکەی 189 کەسی وەرگرتوونەتەوە کە لە نێوانیاندا سەرباز، سنوورپارێز و دوو مەدەنی هەبوون.