لە دهۆک ڕێژەی لەدایکبوونی ڕەگەزی مێ ڕوو لە زیادبوونە

ئاڤا نیوز

 

بەگوێرەی داتاکانی نەخۆشخانەی ئافرەتان و منداڵبوونی دهۆک، لەسەرەتای ساڵەوە تاوەکو ئەمڕۆ نزیک لە 14 هەزار منداڵ لەدایکبوون، ساڵانەش ئامارەکە لەو پارێزگایە بەرز دەبێتەوە، بە تێکڕا لە هەر ڕۆژێکی ساڵی 2024ـدا نزیکەی 40 منداڵ لەدایکبوون.

 

وێنە گەورەکە: لە 1-1-2024 تاوەکو 31-12-2024، لە نەخۆشخانەی ئافرەتان و لە دایکبوونی دهۆک 13 هەزار و 568 منداڵ لەدایکبوون کە لە 60%ـیان بەشێوازی سروشتی لە دایکبوون، لەو ژمارەیەش ڕەگەزی مێ لە ڕەگەزی نێر زیاترە.

 

لێدوانی فەرمی: د. زۆزان محەمەد، بەڕێوەبەری نەخۆشخانەی ئافرەتان و منداڵبوونی دهۆک بە ئاڤا نیوز گوت، "بەشێوەیەکی گشتیی ئەمساڵ 13 هەزار و 692 منداڵ لە دایکبوون، بەڵام 106 منداڵ دوای لە دایکبوون مردوون، بەشێوەیەکی ڕێژەیی لە ڕۆژێکدا 38 منداڵ لەدایکبوون."

 

ژمارەکان وادەڵێن: بەگوێرەی داتای نەخۆشخانەی ئافرەتان و لە دایکبوونی دهۆک ئەمساڵ تاوەکو ئێستا 13 هەزار و 586 منداڵ لەدایکبوون کە بەم شێوەیە پۆڵێن کراوە:-

-  منداڵبوون بە شێوەی سروشتی: 8.762
-  منداڵبوون بە نەشتەرگەری: 4.930
-  لە دایکبوونی ڕەگەزی نێر: 6.834
-  لە دایکبوونی ڕەگەزی مێ: 6.858