پاڵاوگەیەکى سووتەمەنى لە هەولێر ئاگری گرت

ئاڤا نیوز

 
ئێوارەی ئەمڕۆ پێنجشەممە ئاگر لە پاڵاوگەیەکی سوومەتەمەنی لەسەر ڕێگەی گوێڕ کەوتەوە و لەلایەنی تیمی بەرگریی شارستانی هەولێر کۆنترۆلکرا. بەو هۆیەوە زیانێکی زۆری دارایی لێکەوتەوە.

 

وێنە گەورەکە: پاڵاوگەکە بەهۆی گەرمکردنی فلۆین زیاد لە ئاستی خۆی ئاگری گرت، تیمەکانی بەرگریی شارستانیی توانییان زوو بگەنە شوێنی مەبەست و لە ماوەی 45 خولەکدا کۆنترۆڵی ئاگرەکەیان کرد.

 

لێدوانی فەرمی: موقەدەم شاخەوان سەعید، وتەبێژی بەرگریی شارستانیی هەولێر، بە ئاڤا میدیای ڕاگەیاند: "کاتژمێر 5:41 خوڵەکی ئێوارەی ئەمڕۆ ئاگادار کراینەوە، بەهۆی گەرمکردنی ماددەی فلۆین ئاگر لە پاڵاوگەی میلان لەسەر ڕێگەی گوێر کەوتەوە، تیمی کۆگاکانمان لە پاڵاوگەکە نزیکن و زوو گەیشتنە شوێنەکە، کەمتر لە 45 خوڵەک توانیمان ئاگرەکە کۆنترۆڵ بکەین".

 

زانیاریی بەدەستهاتوو: بەپێی ئەو زانیارییانەی دەست ئاڤا کەوتووە، ئەو حەوزەی ئەمڕۆ ئاگری گرت 1000 تۆنی بووە کە 100 تۆن فلۆینی تێدا بووە، بەهۆیەوە نزیکەی دوو دەفتەر دۆلار زیانی بەرکەوت.