فۆڕمی پێدانی زەوی زیاتر لە 150 هەزار فەرمانبەر ڕەوانەی ئەنجوومەنی وەزیران دەکرێت

ئاڤا نیوز 

 

ڕێکارەکانی دەستپێکردنی قۆناغی دووەمی دابەشکردنی زەوی بەسەر فەرمانبەران و خانەنشینان لە قۆناغی کۆتاییدایە و فۆڕمەکانیان ڕەوانەی سەرۆکایەتی ئەنجوومەنی وەزیران دەکرێت بۆ ئەوەی پەسەند بکرێت.

 

وێنە گەورەکە: لەماوەی ساڵی 2024 زیاتر لە 10 پارچە زەوی بەسەر فەرمانبەر و خانەنشینان دابەش کرا، لەم ماوەیەدا وەزارەتی شارەوانی و گەشتوگوزار کار لەسەر ئەوە دەکات ژمارەی ئەو پارچە زەوییانەی دابەش دەکرێن بەرزبکاتەوە و لەماوەی داهاتوو بەلایەنی کەمەوە 50 هەزار پارچەزەوی دیکە دابەش بکات.

 

لێدوانی فەرمی: سەربەست مەولوود، سەرپەرشتیاری لیژنەی وردبینی دابەشکردنی زەوی بە ئاڤای ڕاگەیاند، "وردبینی لە فۆڕمی زیاتر لە 150 هەزار فەرمانبەر و خانەنشین تەواو بووە، هەفتەی داهاتوو ڕەوانەی سەرۆکایەتیی ئەنجوومەنی وەزیران دەکرێت".

 

ئەوەی پێویستە بیزانیت: بە کۆی گشتی 300 بۆ 350 هەزار فەرمانبەر و خانەنشین زەوییان پێدەدرێت، ئێستا لە هەر چوار پارێزگای هەرێمی کوردستان هەزاران پارچە زەوی ئامادەکراون بۆ ئەوەی بەسەر فەرمانبەراندا دابەش بکرێت.