لایەنە کوردستانییەکان لەبارەی کشانەوەیان لە بەغدا بانگهێشت دەکرێن

ئاڤا نیوز 

 

سەرەتای هەفتەی داهاتوو کۆبوونەوەیەک لەسەر ئاستی باڵا دەکرێت، سەرجەم نوێنەرانی هەرێمی کوردستان لەنێو حکومەتی عێراق بانگ دەکرێن و بەرچاوڕوونیان لەسەر هەنگاوەکانی داهاتوو پێدەدرێت، کشانەوە لە حکومەت یەکێک دەبێت لە بژاردەکان.

 

چیرۆکی سەرەکی: لە کۆبوونەوەی ڕۆژی چوارشەممەی ئەنجوومەنی وەزیرانی هەرێمی کوردستان تاوتوێی دۆخی دارایی ساڵی 2024 و پابەندنەبوونی حکومەتی فیدراڵی بە پێدانی شایستە داراییەکانی هەرێمی کوردستان کرا و جەخت لەوە کراوەتەوە له‌ ساڵی‌ نوێدا نابێت به‌مجۆره‌ مامه‌ڵه‌ له‌گه‌ڵ‌ فه‌رمانبه‌رانی‌ هه‌رێمی کوردستان بكرێت.

 

زانیاریی تایبەت: بەپێی زانیارییەکانی ئاڤا، لە بەرامبەر نەناردنی بودجە بەتەواوی و کێشە داراییەکان، هەرێمی کوردستان هەڕەشەی کشانەوە لە بەغدا دەکات، ڕۆژی شەممە سەرجەم لایەنە کوردستانییەکان بانگ دەکرێنەوە و لە هەولێر لەسەر ئەو بابەتە کۆبوونەوەیەکی چارەنووسساز دەکرێت.

 

زانیاریی زیاتر: لە کۆبووەنەوەکەدا وەزیر، سەرۆکی فراکسیۆنەکان و سەرجەم نوێنەرانی هەرێمی کوردستان بانگهێشت دەکرێن، بەرچاوڕوونیان لەبارەی هەنگاوەکانی داهاتوو پێدەدرێت، کە ئەگەر بەغدا مەرجەکانی هەولێر جێبەجێ نەکات، کشانەوە لە حکومەت بژاردەیەکی بەهێز دەبێت.