سبەی پلەكانی گەرما نزم دەبنەوە و بارانیش دەبارێت

ئاڤا نیوز 

 

بەڕێوەبەرایەتیی كەشناسی و بومەلەرزەزانیی هەرێمی كوردستان ئاشكرای دەكات كە سبەی لە زۆرینەی ناوچەكانی هەرێمی كوردستان باران دەبارێت و پلەكانی گەرماش دادەبەزن.

 

ڕاگەیێنراوی فەرمی: كەشناسیی هەرێمی كورستان ڕایگەیاند: ئەمڕۆ ئاسمان ساماڵ و پەڵەهەور دەبێت و پلەكانی گەرماش نزیك دەبنەوە لە تۆماركراوەكانی دوێنێ و سبەیش لە كاتەكانی دوای نیوەڕۆ نمەباران دەبارێت و لە شەودا دابارین زیاد دەكات و زۆرینەی ناوچەكانی هەرێمی كوردستان دەگرێتەوە و بە گشتی پلەكانی گەرما دوو تا چوار پلە دادەبەزن.

 

لەلایەكی دیكەوە: شێخ دارا، شارەزا و پێشکەشکاری کەشوهەوا، لە گەشتی هەواڵەکانی کاتژمێر 07:00 ڕایگەیاند: کاریگەریی هاتنی دوو شەپۆلی دەریای سپی ناوەڕاست و دەریای سوور لەسەر عێراق هەیە و هەرێمی كوردستانیش دەگرێتەوە، لە سبەیەوە بارانبارین دەستپێدەكاتەوە.