وڵاتانی زلهێز لە ڕیاز تاوتوێی دۆخی سووریا دەکەن

ئاڤا نیوز

 

ئەمڕۆ یەکشەممە 12ـی 1ـ 2025 وەزیرانی دەرەوەی وڵاتانی عەرەبی و ئەوروپی لە ڕیازی پایتەختی سعودیە کۆدەبنەوە و تاوتوێی دۆخی سووریا دەکەن.

 

وێنە گەورەکە: دوای کەوتنی دەسەڵاتی بەشار ئەسەد لە سووریا لە 8-12-2024، هێزەکانی تەحریرولشام  دەسەڵاتی وڵاتەکەیان گرتەدەست و دەسەڵاتێکی نوێی لە سووریا دامەزراند. چەندین شاندی ناوخۆیی و نێودەوڵەتی سەردانی دیمەشقیان کردووە لەگەڵ ئەحمەد شەرع فەرماندەی بەڕێوەبردنی سووریا وبەرپرسانی دیکەی وڵاتەکە کۆبوونەتەوە.

 

زانیاریی بەدەستهاتوو: بەگوێرەی زانیارییە میدیاییەکان هەر یەکە لە ئەسعەد ئەلشەیبانی، وەزیری دەرەوەی سووریا، گێیر پیدەرسن، نێردەی نەتەوەیەکگرتووەکان بۆ سووریا  و کایا کالاس، نوێنەری باڵای سیاسەتی دەرەوە و ئاسایشی یەکێتی ئەوروپا ئامادەی کۆبوونەوەکە دەبن.

 

زانیاریی زیاتر: بڕیارە لە کۆبوونەوەکەی ئەمڕۆ 17 دەوڵەت بەشداری بکەن، لەوانەش هەر یەکە لە وڵاتانی کەنداو، عێراق، ئوردن، میسر، تورکیا، لوبنان، ئیدارەی نوێی سووریا، فەرەنسا، ئیسپانیا، ئیتاڵیا، ئەمریکا، بەریتانیا، نوێنەری باڵای یەکێتیی ئەوروپا، ئەمینداری گشتیی کۆمکاری وڵاتانی عەرەبی بەشداری کۆبوونەوەکە بکەن.