ئاڤا میدیا بەدواداچوون بۆ بەگرێبەستکردنی 500 کەس لە هەڵەبجە دەکات

ئاڤا نیوز

 

ڕێکارەکانی جێبەجێکردنی بڕیارەکەی سەرۆکوەزیران مەسرور بارزانی بۆ دامەزراندن گرێبەستەکانی پارێزگای هەڵەبجە لە تەواوبووندایە، بەرپرسێکی ئەنجوومەنی ڕاژە لەوبارەیەوە دەڵێت "نووسراومان بۆ سەرۆکایەتیی دیوانی ئەنجوومەنی وەزیران کردووە".

 

بابەتی سەرەکی: ساڵی 2024، سەرۆکوەزیران مەسرور بارزانی سەردانی پارێزگای هەڵەبجەی کرد، بڕیاری دامەزراندنی 500 کەسی بە گرێبەست دا، بەڵام تاوەکو ئێستا بڕیارەکە نەچووەتە بواری جێبەجێکردنەوە.

 

لێدوانی فەرمی: سەرچاوەیەکی باڵا لە ئەنجوومەنی ڕاژە، بە ئاڤا میدیای ڕاگەیاند:

 

- هەموو ڕێکارە یاساییەکانی ئەو 500 گرێبەستە بەشێوەیەکی دادپەروەرانە و بە کێبڕکێ تەواو کراوە، ئەوانەی بە پۆینتێک لە پێشتربووبن پلەیان پێدراوە.

 

- زیاتر لە مانگێکە نووسراو بۆ سەرۆکایەتی دیوانی ئەنجوومەنی وەزیران کراوە، چاوەڕوان دەکرێت لەوێ بڕیاری کۆتایی لەوبارەوە بدرێت.

 

لە لایەکی دیکەوە: سەرچاوەیەک لە دیوانی ئەنجوومەنی وەزیران، بە ئاڤا میدیا ڕاگەیاند: بە نووسراوی ژمارە 23 نهێنی لە 28-11-2024 بابەتی گرێبەستەکانی پارێزگای هەڵەبجە ئاراستەی ئێمە کراوە.