نرخی مریشک لە بازاڕەکان دادەبەزێت

ئاڤا نیوز

 

نرخی مریشک لە بازاڕەکانی هەرێمی کوردستان دادەبەزێت و بەڕێوەبەری سامانی ئاژەڵ لە وەزارەتی کشتوکاڵ و سەرچاوەکانی ئاویش هۆکارەکەی ئاشکرا دەکات.

 

چیرۆکی سەرەکی: بەراورد بە هەفتەی ڕابردوو، نرخی مریشک لە بازاڕەکانی هەرێمی کوردستان بۆ هەر کیلۆگرامێک بە نزیکەی 250 دینار دابەزیوە و ئەمەش خواستی هاووڵاتیان لەسەر مریشک زیاتر دەکات.

 

لێدوانی فەرمی: فیراس سدیق، بەڕێوەبەری سامانی ئاژەڵ لە وەزارەتی کشتوکاڵ بە ئاڤا میدیای ڕاگەیاند: لە بازگەکاندا ڕێگری لە ڕۆیشتنی بەرهەمەکانی سامانی ئاژەڵ و کشتوکاڵیی هەرێمی کوردستان دەکرێت بۆ خوارووی عێراق، ئەمەش وایکردووە کە نرخی مریشک لە ناوخۆدا دابەزینی بەرچاو بەخۆیەوە ببینێت.

 

زانیاریی زیاتر: لەگەڵ ئەو زنجیرە ڕێککارانەی حکومەتی عێراق بۆ لێدان لە ژێرخانی ئابووریی هەرێمی کوردستان گرتوویەتییەبەر، بەرهەمەکانی سامانی ئاژەڵ و کشتوکاڵیش بەشێکن لەو هەوڵانە و بەردەوام ڕێگرییان لێ دەکرێت.