سەرۆکی لەکارلادراوی کۆریای باشوور دەستگیر دەکرێت

ئاڤا نیوز 

 

یۆن سووک یۆل، سەرۆکی کۆریای باشوور وەک یەکەم سەرۆکی وڵاتەکە بۆ لێپرسینەوە لەلایەن لێکۆڵەرانی تاوانەکانەوە دەستبەسەر دەکرێت.

 

 

چیڕۆکی سەرەکی: دادگای کۆریای باشوور فەرمانی دەستگیرکردنی بۆ یون سووک یۆل، سەرۆکی دوورخراوەی ئەو وڵاتە دەرکرد، کە تۆمەتبارە بە هەوڵدان بۆ ڕاگەیاندنی حکومەتێکی سەربازی لەو وڵاتە، بەڵام سەرەتا وەڵامی دادگاییکردنەکەی نەدایەوە، بەڵام دواتر ئامادەیی دەربڕی بۆ لێپرسینەوە، ئەمڕۆ چوارشەممە دەزگای دژەگەندەڵی کۆریای باشوور دەستگیرکردنی سەرۆکی لەکارلادراوی کۆریای باشووری ڕاگەیاند.

 

لێدوانی فەرمی: یۆن سووک یۆل سەرۆکی کۆریای باشوور لە پەیامێکی ڤیدیۆییدا ڕایگەیاند ''هەرچەندە پێموایە لێکۆڵینەوەکە نایاساییە، بەڵام ئامادەم ملکەچی فەرمانی لێکۆڵەران بم، ئەمەش بەمەبەستی ئەوەی بتوانم ڕێگری لە خوێنڕشتن بکەم''.

 

 

ئەوەی پێویستە بیزانیت: فەرمانی دەستگیرکردن بۆ سەرۆکی کۆریای باشوور دەگەڕێتەوە بۆ ڕاگەیاندنی باری لەناکاو لە سەرەتای مانگی 12 ساڵی 2024،  هاوکات دادگا دووجار داوای ئامادەبوونی لێ کردووە، بەڵام ڕەتی کردووەتەوە بچێتە بەردەم دادگا، هەربۆیە فەرمانی دەستگیرکردنی بۆ دەرکرابوو.