میدیاکانی نزیک لە هەسەدە بە بایەخەوە لە دیدارەكەی سەرۆك بارزانی و مەزڵووم عەبدی دەڕوانن

ئاڤا نیوز

میدیاكانی نزیك لە هەسەدە بە بایەخەوە لە دیدارەكەی سەرۆك بارزانی و مەزڵووم عەبدی فەرماندەی گشتیی هێزەكانی سووریای دیموكرات دەڕوانن و ئاماژەیان بەوە كردووە، ئەمجۆرە دیدارانە بۆ بەهێزكردنی گوتاری هاوبەشی كوردە لە ڕۆژئاوای كوردستان.

چیرۆکی سەرەکی: ئێوارەی ڕۆژی 16-1-2025، لە پیرمام کۆبوونەوەیەکی گرنگ و مێژوویی کرا لەبارەی ئایندەی کورد لە سووریای نوێ و ناوچەکە، سەرۆک مەسعود بارزانی لەگەڵ مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) کۆبووەوە و دووایین بارودۆخی سووریا و ئایندەی کوردیان لەو وڵاتە تاوتوێ کرد.

میدیاكانی ڕۆژئاوای كوردستان:

ڕۆژ نیوز: کۆبوونەوەکان بەردەوامییان دەبێت.

ئاژانسی هەواڵی هاوار AHNA: ئەم دیدارە بۆ مسۆگەركردنی ماف و ئایندەی كورد لە سووریای تازەدا گرنگە.

ڕۆناهی: لە كۆبوونەوەكەی مەزڵووم عەبدی و سەرۆک بارزانی پێشهاتە نوێیەكانی سووریا تاوتوێ كراوە.

بەڕێوەبەرایەتیی خۆسەر بۆ دەنگی ئەمریكا: کۆبوونەوەی مەزڵوم عەبدی و سەرۆک بارزانی بۆ بەهێزکردنی گوتاری کوردە لە ڕۆژئاوای کوردستان.