سیستانی یەکەم ڕۆژی مانگی ڕەمەزان دیاری دەکات

ئاڤا نیوز

نووسینگەی عەلی سیستانی 12ی ئەم مانگە وەک یەکەم ڕۆژی مانگی ڕەمەزان دیاری دەکات.

ڕاگەیێنراوی فەرمی: ئەمڕۆ هەینی نووسینگەی عەلی سیستانی، مەرجەعی باڵای شیعە لە عێراق، ڕۆژژمێری مانگی ڕەمەزانی بۆ سەرجەم پارێزگاکانی عێراقی بڵاوکردەوە. 

سیستانی 12ی ئەم مانگەی وەک یەکەم ڕۆژی مانگی ڕەمەزان و 11-4ی وەک یەکەم ڕۆژی جەژن دیاریکردووە.

ئەوەی پێویستە بیزانیت: پێشتر ئەنجوومەنی باڵای فەتوای میسر ڕایگەیاندبوو، بەپێی شیکارییە فەلەکناسییەکان ڕۆژی دووشەممە 11ـی ئادار یەکەم ڕۆژی مانگی ڕەمەزان دەبێت و مانگ دەبینرێت.