وەزارەتی پەروەردە بۆ یەکەمجار بە ئۆنڵاین ئەنجامی تاقیکردنەوەکان ڕادەگەیێنێت

ئاڤا نیوز

تاقیکردنەوەی نیوەی وەرزی قۆناغە ناکۆتاکانی خوێندن تەواوبوون، بۆیەکەمین جار وەزارەتی پەروەردە بە ئۆنلاین و لەڕێگەی ئەپلیکەیشنێکەوە نمرەکانیان پێدەداتەوە.

وێنە گەورەکە: وەزارەتی پەروەردە خزمەتگوزاریی دیجیتاڵی "ئی-هەڵسەنگاندن" کە بە زمانەکانی کوردی شێوەزاری (سۆرانی و بادینی)، زمانی عەرەبی، تورکمانی و سریانی لە ڕێگەی ئەپڵیکەیشنێکی مۆبایل بەردەست دەکات، لەڕێگەیەوە کەسوکاری قوتابییان دەتوانن ئاگاداری هەموو چالاکییەکانی منداڵەکانیان بن، هەر لەو ڕێگەیەشەوە نمرەکانیان بڵاودەکاتەوە.

لێدوانی فەرمی: د.ئالان حەمە سەعید، وەزیری پەروەردە بە ئاڤای گوت، "ئەگەر زۆرە پێش وەرگرتنەوەی کارت لە قوتابخانە، نمرەی قوتابیان لە ڕێگەی ئەپڵیکەیشنی ئی - هەڵسەنگاندنەوە بدرێتەوە."

ئەمەش بزانە: لە خزمەتگوزاریی ئی – هەڵسەنگاندن، هەر قوتابییەک وشەی بەکارهێنەر و وشەی تێپەڕی تایبەت بەخۆی هەیە و هیچ کەسێک ناتوانێت نمرە و زانیارییەکانی یەکێکی دیکە ببینێت.