حەماس: چاوەڕێین ئیسرائیل لیستی ناوی 90 زیندانی فەڵەستینی بۆ ئاڵوگۆڕکردن ڕادەست بکات

ئاڤا نیوز

بزووتنەوەی حەماس پێشبینی دەکات لە "ماوەیەکی کورتدا"، ئیسرائیل لیستی ناوی 90 زیندانیکراوی فەڵەستینی ڕادەست بکات کە بڕیارە لە یەکەم ڕۆژی قۆناغی یەکەمی ئاگربەستدا ئاڵوگۆڕدەکرێن. 

 

وێنە گەورەکە: ئیسرائیل و وڵاتی نێوەندگیری قەتەر، پشتڕاستیان کردەوە ئەو ئاگربەستەی ڕۆژی چوارشەممە 15ـی 1ـی 2025، لەنێوان حەماس و ئیسرائیل واژۆ کرا، کەوتە بواری جێبەجێکردنەوە؛ جێبەجێکردنی ڕێککەوتنەکە بۆ چەند کاتژمێرێک دوا کەوت، ئەمەش دوای ئەوەی ئیسرائیل حەماسی بە ڕادەست نەکردنی لیستی ناوی بارمتەکان تۆمەتبار کرد، دواتر ئیسرائیل چەند ناوچەیەکی غەززەی بۆردوومان کرد و دواتر حەماس ڕازی بوو لیستی ناوی بارمتەکان ڕادەست بکات.

 

ڕاگەیێنراوی فەرمی:  بزووتنەوەی حەماس ڕایگەیاند: لە ڕێککەوتنی ئاگربەستەکەدا "ئازادکردنی 30 زیندانی فەڵەستینی لە بەرامبەر ئازادکردنی یەک دەستگیرکراوی مەدەنی ئیسرائیل"دا هاتووە. هاوکات ئەو 90 زیندانییەی کە چاوەڕوان دەکرێت ئازادبکرێن، لەو لیستەدان کە حەماس پێشکەشی کردوون و ژمارەیان 120 فەڵەستینییە و زۆربەیان ژن و منداڵن.

 

قووڵتر: بەپێی ڕێککەوتنی ئاگربەست، لە قۆناغی یەکەم کە شەش رۆژ دەخایەنێت 33 بارمتەی ئیسرائیل کە لە هێرشەکەی 7ی ئۆکتۆبەری 2023 حەماس بەدیل گیران، ئازاد دەکرێن.