ژمارەیەک گەنج لە هەڵەبجە پڕۆژەیەکی بەرهەمهێنانی پەیینی ئەندامیی دادەمەزرێنن

ئاڤا نیوز

 

پێنج گەنج لە پارێزگای هەڵەبجە پرۆژەیەکی بەرهەمهێنانی پەیینی ئەندامیی دادەمەزرێننن و لە ماوەی هەشت مانگی ڕابردووشدا، توانیویانە 10 تۆن پەیینی ئەندامی بەرهەمبهێنن کە لە پاشماوەی ئاژەڵیی و خۆراک دروست دروست دەکرێت.

 

لێدوانی فەرمی: ڕامیار عومەر، بەڕێوەبەری کارگەکە لەبارەی پرۆژەکەوە قسەی بۆ ئاڤا کرد و ڕایگەیاند، "ئێمە کۆمەڵێک دەرچووی زانکۆین دوای ئەوەی زانکۆمان تەواوکرد لەبەرئەوەی هەلی دامەزراندنمان کەمە، بۆیە هەوڵماندا بیرۆکەی ئەوەمان بۆ بێت کە پڕۆژەیەک دابمەزرێنین بۆ دروستکردنی پەیینی ئۆرگانی لە پاشماوەی خۆراک و پاشماوەی ئەندامیی، ئەمەش دەبێتە هۆی ئەوەی کە دەستی کار لەشارەکە بڕەخسێنین  و کۆمەڵێک گەنج لەسەر پڕۆژەکە کاربکەن.

 

ئەمەش بزانە: لە هەڵەبجە ڕۆژانە نزیکەی 70 تۆن پاشماوە لەلایەن شارەوانییەکانەوە کۆدەکرێتەوە، کە زۆربەیان ئەندامین. ئەم پاشماوانە سەرچاوەیەکی سەرەکین بۆ دەردانی گازی میسان، کە کاریگەریی نەرێنی لەسەر گەرمبوونی زەوی هەیە.

 

زانیاریی زیاتر: لە سنووری بەڕێوەبەرایەتی گشتیی کشتوکاڵی پارێزگای هەڵەبجە 397 هەزارو 260 دۆنم زەوی هەیە، کە ساڵانە پێویستی بەڕێژەیەکی زۆر لە پەیین دەبێت، ئەم پرۆژەیەش دەتوانێت بەڕێژەیەکی بەرچاو پێداویستییەکانی سنوورەکە لە پەیینی ئەندامی پڕ بکاتەوە.