حکومەت ژمارەیەک هەلی دامەزراندن ڕادەگەیێنێت

ئاڤا نیوز 

 

بە بڕیاری وەزارەتی تەندروستی عێراق، ژمارەیەک دەرچووی چەند پسپۆڕییەکی جیاواز لە زانکۆی چەرموو دادەمەزرێنرێن.  

 

ڕاگەیێنراوی فەرمی: زانکۆ چەرموو لە ڕاگەیێنراوێکدا ئاگاداری ئەو دەرچووانە دەکاتەوە کە دانیشتووی سنووری دەرەوەی ئیدارەی هەرێمی کوردستانن و دەرچووی ساڵی (2023- 2024)نن لە بەشەکانی 'زانستی تاقیگەی پزیشکی، کیمیای دەرمانسازی و فیزیای پزیشکی' لە ماوەی دوو ڕۆژدا، سەردانی بەڕێوەبەرایەتی تۆمار/ هۆبەی بڕوانامەکان بکەن بە مەبەستی وەرگرتنی زانیاریی.

 

بەڕێوەبەرایەتیی تۆماری گشتیی زانکۆی چەرموو ڕایگەیاند: بەپێی نووسراوێک کە لە نوێنەرایەتیی حكومەتی هەرێمەوە گشتاندنی پێكراوە، وەزارەتی تەندروستی عێراق بڕیاری دامەزراندنی دەرچووانی ساڵی 2023- 2024ـی سەرجەم كۆلێژ و بەشە پزیشكی و تەندروستییەكان داوە، كە لە زانكۆكانی هەرێمی کورردستان دەرچوون و خەڵكی ناوچەكانی دەرەوەی ئیدارەی هەرێمی کوردستانن.

 

ئەوەی پێویستە بیزانیت: دەرچووان دەبێت لەکاتی سەردانیکردنیان پێداویستییەکانی وەکو:- کارتی نیشتمانی و کارتی زانیاریی و فۆڕمی خۆراکیان پێ بێت.