ئەمریکا گومرگی سەر کەنەدا و مەکسیک زیاد دەکات

ئاڤا نیوز

کۆشکی سپی ڕایگەیاند، لە ڕۆژی شەممەوە 1-2-2025، گومرگی 25٪ـی بە سەر هەر یەکە لە مەکسیک و کەنەدا و گومرگی 10٪ بەسەر چین دەسەپێنرێت. 

ڕاگەیێنراوی فەرمی: کارۆلین لێڤیت، وتەبێژی کۆشکی سپی، ڕایگەیاند: ئەم گومرگە لەبەر ماددەی هۆشبەری جۆری فەنتانیلە کە ئەم وڵاتانە سەرچاوەین و ڕێگەش دەدەن بچێتە ناو ئەمریکا کە دەبێتە هۆی مردنی دەیان ملیۆن ئەمریکی. 

 

باسی لەوەشکرد، ئەم ڕێکارانە بەشێکن لە جێبەجێکردنی ئەو بەڵێنانەی کە ترەمپ لە کاتی بانگەشی هەڵبژاردنەکاندا دابووی.

لەلایەکی دیکەوە: پێشتر دۆناڵد ترەمپ، سەرۆکی ئەمریکا، ڕایگەیاندبوو ئەم ڕێکارە نوێیانەی سەپاندنی گومرکی زیادە هەوڵێکە بۆ چارەسەرکردنی کێشەی کۆچبەران کە لە وڵاتە دراوسێکانی ئەمریکاوە دەچنە ناو ئەو وڵاتە.