دەروازەی ڕەفەح دەگەڕێنرێتەوە بۆ ژێر دەسەڵاتی حکومەتی فەڵەستین

ئاڤا نیوز

پاش کردنەوەی دەروازەی سنووریی ڕەفەح لە نێوان میسر و ‌غەززە، ئێستا ئامادەکاری بۆ ڕادەستکردنەوەی دەروازەکە بە دەسەڵاتدارێتی فەڵەستین دەکرێت.

وێنە گەورەکە: دەروازەی ڕەفەح تەنها دەروازەی سنووری نێوان میسر و غەززەیە و مانگی ئایاری ساڵی ڕابردوو لەلایەن سوپای ئیسرائیلەوە دەستی بەسەردا گیرا.

لێدوانی فەرمی: ئیتمار بن غەفیر، وەزیری ئاسایشی نیشتیمانیی ئیسرائیل ڕایگەیاند حکومەتی ئیسرائیل ڕێگە دەدات بە دەسەڵاتی فەڵەستین کە دەروازەی سنوریی ڕەفەح بگرێتە دەست.

زانیاری زیاتر: بە پێی مەرجەکانی ڕێککەوتنامەی ئاگربەستی نێوان ئیسرائیل و حەماس ڕێگە دەدرێت بە چوونە دەرەوەی ئەو بریندار و نەخۆشانەی پێویستیان بە چارەسەری بەپەلە هەیە لە ڕێگەی دەروازەکەوە و پرۆسەکە لە ژێر چاودێری نەتەوە یەکگرتووەکان بەڕیوەدەچێت.