کوژرانی والی کەرکووک و دوو بەرپرسی دیکەی داعش ڕاگەیێنرا

ئاڤا نیوز

فەرماندەیی ئۆپەراسیۆنە هاوبەشەکان کوژرانی حەوت چەکداری داعشی لە هێرشێکی ئاسمانی لە ناوچەی زەرگە ڕاگەیاند.  والی کەرکووکی ڕێکخراوی داعش و دوو بەرپرسی دیکەی ڕێکخراوەکە لەناو کوژراوەکاندان.

 

وێنە گەورەکە: هەفتەی ڕابردوو فەرماندەیی ئۆپەراسیۆنە هاوبەشەکان، ئەنجامی ئەو هێرشە ئاسمانیەی ئاشکرا کرد کە لەلایەن فڕۆکەی جەنگی F-16ـەوە لە ناوچەی زەرگە لە چوارچێوەی کەرتی ئۆپەراسیۆنەکانی سەلاحەددین - کەرکووک کرابوو، تێیدا حەوت چەکداری داعش کوژران.

 

ڕاگەیێنراوی فەرمی: فەرماندەیی ئۆپەراسیۆنە هاوبەشەکان ئەمڕۆ شەممە 8-2-2025، ناسنامەی ژمارەیەک لەو چەکدارانەی داعشی ئاشکرا کردن کە لە هێرشەکەی 31ی کانوونی دووەم کرابوونە ئامانج، کە بریتین لە والی کەرکووک و دوو بەرپرسی دیکەی ئەو ڕێکخراوە.

 

زانیاریی زیاتر: بەگوێرەی ڕاگەیێنراوەکە ناسنامەی سێ لە کوژراوەکان ئاشکرا کراون کە بریتین لە:

1. محەممەد علێوی، ناسراو بە "ئەبو سەعید دەندوشی"، والی کەرکووکی ڕێکخراوی داعش و بەرپرسی کردە تیرۆریستییەکان.
2. شەحاتە عەلاوی ساڵح، ناسراو بە "ئەبو عیسا" بەرپرسی کەرتی حەمرین لە ڕێکخراوی داعش.
3. باسم ڕەبیع بەتووش، یەکێک لە ئەندامە گرنگەکانی داعش.