مەسرور بارزانی پەیامێک ئاراستەی ئەحمەد شەرع دەکات

ئاڤا نیوز

مەسرور بارزانی، سەرۆکی حکومەتی هەرێمی کوردستان لە چاوپێکەوتنێکی تەلەفزیۆنیدا پەیامێکی ئاراستەی ئەحمەد شەرع، سەرۆکی سووریا بۆ قۆناغی ڕاگوزەر کرد.

 

وێنە گەورەکە: لە چاوپێکەوتنێکدا لەگەڵ کەناڵی ئەلعەرەبیە کە کاتژمێر 7:30ـی ئەمشەو بڵاوکرایەوە، مەسرور بارزانی، سەرۆکی حکومەتی هەرێمی کوردستان ، باسی لە چەند پرسێکی گرنگ پەیوەست بە ڕۆژهەڵاتی ناوەڕاست و سووریا کرد و ئاماژەی بەوە کرد کە ڕووداوەکانی سووریا کاریگەری لە سەر هەرێمی کوردستان دەبێت.

 

لێدوانی فەرمی: مەسرور بارزانی، سەرۆکی حکومەتی هەرێمی کوردستان لە چاوپێکەوتنەکەی کەناڵی ئەلعەرەبیە پەیامێکی ئاراستەی ئەحمەد شەرع، سەرۆکی سووریا بۆ قۆناغی ڕاگوزەر کرد و وتی: لە پێناو بەردەوامی و سەقامگیربوونی ئاشتی لە وڵات دەبێت ئەحمەد شەرع، سەرۆکی هەموو سووریا بێت و ڕێز لە هەموو پێکهاتە و نەتەوە جیاوازەکانی سووریا بگرێ.

 

سەرۆکوەزیران مەسرور بارزانی لە بەشێکی دیکەی قسەکانیدا باسی لەوە کرد، "پێویستە دیمەشق گفتوگۆ لەگەڵ تەواویی کورد بکات نەک تەنیا هەسەدە".