وەزیری كارەبا: تا ساڵی 2026 تەواوی هەرێمی کوردستان دەبێتە خاوەنی کارەبای 24 کاتژمێری

ئاڤا نیوز

 

وەزیری كارەبای هەرێمی كوردستان ڕایدەگەیەنێت، تا ئێستا زیاتر لە 110 هەزار هاوبەشی كارەبا لە پڕۆژەی ڕووناكی سوودمەندبوون و تا ساڵی 2026، تەواوی هەرێمی كوردستان لە كارەبای 24 كاتژمێری سوودمەند دەبێت.

 

وێنە گەورەکە: پڕۆژەی ڕووناکی یەکێکە لە پڕۆژە ستراتیژییەکانی کابینەی نۆیەمی حکومەتی هەرێمی کوردستان، ماوەی زیاتر لە شەش مانگە دەستیپێکردووە و لە تەواوی شارەکانی هەرێمی کوردستان دەست بە فراوانکردنی پرۆژەکە دەکرێت، كە لەڕێگەیەوە كارەبای نیشتمانی دەکرێتە 24 کاتژمێری.

 

لێدوانی فەرمی: كەمال محەممەد، وەزیری كارەبای هەرێمی كوردستان، بە هێشام سەعید، پەیامنێری ئاڤای گوت، بەهۆی ئەوەی خواستی کارەبای نیشتمانی، سەرووی حەوت هەزار مێگاواتە، ئێمەش وەک وەزارەتی کارەبا توانای بەرهەمهێنانی چوار هەزار مێگاواتمان هەیە، بۆیە گرفتی کەمی کاتژمێرەکانی کارەبای نیشتمانی بەردەوامە.

 

-    تاوەکو کۆتایی مانگی سێی ئەمساڵ بەرهەمی کارەبا زیاد دەکات و دۆخی کارەبای نیشتمانی باشتر دەبێت.