سەرۆکوەزیران بارزانی و کونسوڵی گشتیی نوێی هۆڵەندا پەیوەندییە دوولایەنەکان تاوتوێ دەکەن

ئاڤا نیوز

 

ئەمڕۆ شەممە 22-2-2025، سەرۆکوەزیران مەسرور بارزانی، پێشوازی لە ئەدریان ئایسلستین، کونسوڵی گشتیی نوێی شانشینی هۆڵەندا لە هەرێمی کوردستان کرد.

 

ڕاگەیێنراوی فەرمی: سەرۆکوەزیران مەسرور بارزانی، پیرۆزبایی دەستبەکاربوونی لە کونسوڵی گشتیی نوێی شانشینی هۆڵەندا لە هەرێمی کوردستان کرد و هیوای سەرکەوتنی لە ئەرکەکەیدا بۆ خواست.
-سەرۆکوەزیران هەموو پشتیوانییەکی حکومەتی بۆ دەربڕی لە پێناو پەرەپێدانی زیاتری پەیوەندییەکانی هەرێمی کوردستان و هۆڵەندا.

 

لەلایەکی دیکەوە: ئەدریان ئایسلستین، کونسوڵی گشتیی هۆڵەندا، وێڕای دەربڕینی سوپاس و پێزانین بۆ هاریکاریی و هەماهەنگیی حکومەتی هەرێمی کوردستان، خواستی وڵاتەکەی بۆ پتەوکردنی پەیوەندیی دوولایەنە، بەتایبەتی لە بوارەکانی ئابووری، ئاڵوگۆڕی بازرگانی و کشتوکاڵدا دووپات کردەوە.