ساڵی ڕابردوو لە کوردستان تەنیا 83 کەس بە ئاشكرا ژنی دووەمیان هێناوە

ئاڤا نیوز

 

ئەنجوومەنی دادوەریی هەرێمی کوردستان ئاماری ساڵی ڕابردوو (2023)ـی بڵاوکردووەتەوە و بەپێی ئامارەکە لە سەرجەم پارێزگاکان تەنیا 83 کەس ژنی دووەمیان هێناوە.

 

ئەوەی پێویستە بیزانیت: بەراورد بە ساڵانی پێشوو، ڕێژەی ژنهێنانی دووەم کەمی کردووە و بەپێی ئامارەکانیش، لە کەرکووک و ئیدارەی سەربەخۆی گەرمیان هیچ کەسێک نەیکردووەتە دوو ژن.

 

ژمارەکان وادەڵێن: بە پشتبەستن بە ئامارەکانی ئەنجوومەنی دادوەری، لە هەولێر 34 کەس، لە سلێمانی 32 کەس، لە دهۆکیش 17 کەس ژنی دووەمیان هێناوە.

ئەمەش بزانە: ئەم ئامارە تەنیا ئەو پرۆسانە دەگرێتەوە لە دادگاکانی هەرێمی کوردستان تۆمارکراون، بەڵام بەهۆی ئەوەی پرۆسەی هێنانی ژنی دووەم قورسە، پیاوان پشت بە دادگاکانی دەرەوەی ئیدارەی هەرێمی کوردستان دەبەستن.