فایلی خەڵک؛ ژمارەیەک کارمەندی کارەبای سلێمانی فشاری وازهێنان لە کاریان لێ دەکرێت

 

ئاڤا نیوز

ژمارەیەک کارمەندی وێستگەیەکی کارەبا کە شاری سلێمانی، لەبەر ئەوەی لە کەرتی تایبەتیش کاردەکەن، داوایان لێکراوە واز لە کاری چاودێریکردنی وێستگەکانی کەرتی تایبەت بهێنن

چیرۆکی سەرەکی:  25 کارمەندی وێستگەی کارەبای شادی لە سلێمانی، وەک خۆیان دەڵێن بەبێ ئەوەی لە ڕووی هونەری و ئیدارییەوە کێشە بۆ کەرتی گشتیی و تایبەت دروست بکەن، ماوەی 15 بۆ 30 ساڵە لە وێستگەکانی کەرتی تایبەت کار دەکەن، چەند مانگێکە لەڕێی بەڕێوەبەرایەتیی گواستنەوەی کارەبا و بەڕێوەبەرایەتی گشتیی کارەبای سلێمانی فشاریان دەخرێتەسەر، بۆ ئەوەی واز لە کارەکەیان بهێنن، داواشیان لێکراوە لە ڕۆژی 2025-03-02، بەڵێننامە لە بەشی یاسایی پڕبکەنەوە و واز لە کاری چاودێریکردنی وێستگەکانی کەرتی تایبەت بهێنن.

لێدوانی فەرمی:  ئومێد ئەحمەد، وتەبێژی وەزارەتی کارەبا بە ئاڤا میدیای ڕاگەیاند: ئەم بابەتە نەگەیشتووەتە لای ئێمە، ئەو فەرمانبەرانە سکاڵایان ئاراستە نەکردووین تاوەکو بەدواداچوون بکەین، پێویستە نووسراومان ئاراستە بکەن، ئەوکاتە وەزارەت دەست بە بەدواداچوون دەکات و ئەگەر مافخوراویش بن، ئەوا پارێزگارییان لێ دەکرێت.