ئەنجوومەنی ڕاژە وردەكاری شوێنی كاركردنی 500 دامەزراوەكەی هەڵەبجە بڵاودەكاتەوە

ئاڤا نیوز

ئەنجوومەنی ڕاژەی گشتی سەر بە سەرۆكایەتیی ئەنجوومەنی وەزیران خشتەی زانیاری و وردەكاریی فەرمانبەرانی دامەزراو بەشێوەی گرێبەست لە پارێزگای هەڵەبجە بڵاوكردەوە.

وێنە گەورەكە: ڕۆژی 22ـی شوباتی 2024، سەرۆكوەزیران مەسرور بارزانی، سەرۆکی حكومەتی هەرێمی کوردستان، لەمیانی سەردانیكردنی بۆ شاری هەڵەبجە و كۆبوونەوەی لەگەڵ بەرپرسانی کارگێڕیی سنوورەکە؛ یەکێک لە بڕیارەکانی بریتى بوو لە دامەزراندنی 500 کەس بە شێوەی گرێبەست بۆ پارێزگاکە.

ڕاگەیێنراوی فەرمی: بەپێی ئەو لیستەی وێنەیەكی بۆ ئاڤا میدیا ڕەوانە كراوە، خشتەی ئەنجوومەنی ڕاژەی گشتی، ناوی سیانی و جۆری پۆست و شوێنی نیشتەجێبوون و وەزارەت و لایەنی نەبەستراو بە وەزارەت و فەرمانگەی شوێنی كار تێیدا دیاریكراوە، بەمەبەستی ئەنجامدانی ڕێكاری دەستبەكاربوون لە شوێنی دەوامی فەرمی بە ڕەچاوكردنی بڕگەی 2 لە بڕیاری ئەنجوومەنی وەزیران ژمارە 269 لە 5-2-2025.

بۆ زانینی ناو و زانیاری و شوێنی كاركردنی دامەزراوان كلیك لەو بەستەرە بكە: