د.ڤیان سەبری: تەیف سامی بە هیچ ڕێککەوتنێک پابەند نابێت

ئاڤا نیوز

 

لەبارەی دواکەوتنی مووچەی فەرمانبەرانی هەرێمی کوردستان، سەرۆکی فراکسیۆنی پارتی دەڵێت: وەزیری دارایی عێراق هەر ڕۆژەی بیانوویەک دەهێنێتەوە و پابەندی ڕێککەوتنەکان نابێت.

 

وێنە گەورەکە: مانگی یەکی ئەمساڵ ڕێککەوتنێک لەنێوان وەزارەتی دارایی هەرێمی کوردستان و فیدڕاڵ کرا، بەگوێرەی ڕێککەوتنەکە مانگانە بەبێ گرفت بەغدا مووچەی فەرمانبەران دەنێرێت.

 

لێدوانی فەرمی: د.ڤیان سەبری، سەرۆکی فراکسیۆنی پارتی دیموکراتی کوردستان بە ئاڤا میدیای ڕاگەیاند، تەیف سامی هەموو مانگێک بیانویەکی جیاوازی هەیە ناکرێت هەموو مانگ بە بیانووی وردبینی، مووچە دوابخرێت لە ژوورێک وردبینی تەواو دەبێت لیستی مووچە دەنێردرێت بۆ ژوورێکی دیکە و بەمجۆرە دوادەکەوێت. هیچ حکومەتێکی دونیا ئەوە ناکات.

 

ئەوەی پێویستە بیزانیت: لە هەفتەی ڕابردووەوە شاندێکی تەکنیکی وەزارەتی دارایی هەرێمی کوردستان لە بەغدان، دوو ڕۆژە وردبینی لیستی مووچە تەواو کراوە، تەنیا واژۆی تەیف سامی، وەزیری دارایی عێراقی مابوو، بەڵام ئەوە دوو ڕۆژە واژۆ نەکراوە.