نێچیرڤان بارزانی بۆ ژنان: وەک هەمیشە بەوپەڕی بڕواوە پشتیوانتانم

ئاڤا نیوز

نێچیرڤان بارزانی، سەرۆکی هەرێمی کوردستان لە پەیامێکدا بەبۆنەی هەشتی مارس ڕۆژی جیهانیی ژنان دەڵێت " بە گەشبینی و بە چاوی ئومێدەوە لە کارایی و بەشداری و هاوبەشیی ژنان لە هەموو بوارەکانی ژیاندا لە کوردستان دەڕوانین".

ڕاگەیێنراوی فەرمی: نێچیرڤان بارزانی، سەرۆکی هەرێمی کوردستان ڕایگەیاند: یادی هەشتی مارس، ڕۆژی جیهانیی ژنان، بە گەرمی لە هەموو ژنانی کوردستان، عێراق و جیهان پیرۆز دەکەم، لە هەوڵ و کار و خەباتیاندا بۆ بەدەستهێنانی یەکسانی و تەواوی مافەکانی ژنان، وەک هەمیشە بەوپەڕی بڕوا و تواناوە هاوکار و پشتیوانیانم.

زانیاریی زیاتر: بە ڕێز و پێزانینەوە هەموو ئەو ژنە بوێرانە بەبیردەهێنینەوە کە لە کاروانی خەباتیاندا بۆ پاراستن و بەرگریی لە مافەکانیان سەریان نایەوە، لە کاتێکدا بە گەشبینی و بە چاوی ئومێدەوە لە کارایی و بەشداری و هاوبەشیی ژنان لە هەموو بوارەکانی ژیاندا لە کوردستان دەڕوانین، دووپاتی دەکەینەوە کە خوازیاری زیاترین و وەک هەمیشە لە کار و هەوڵ و کۆششمان بەردەوام دەبین بۆ فەراهەمکردن و مسۆگەریی زیاتری ڕۆڵ و ئامادەیی و دەرفەت و پێگەی ژن لە هەموو کایە و بوارەکانی ژیاندا.