فایلی خەڵک؛ بەشێکی بەشداربووانی پڕۆژەی ڕووناکی لە هەولێر شەش مانگە پارەیان بۆ نەهاتووەتەوە

 

ئاڤا نیوز

بەشێک لە هاوبەشانی کارەبای 24 کاتژمێری ماوەی 6 مانگە پارەیان بۆ نەگەڕاوەتەوە، ئێستا دەترسن لەسەریان کەڵەکە بووبێت.

وێنە گەورەکە: پرۆژەی ڕووناکی، پڕۆژەیەکی ستراتیژی کابینەی نۆیەمی حکومەتی هەرێمی کوردستانە، مەبەستییەتی کارەبای 24 کاتژمێری بۆ تەواوی کوردستان دابین بکات، ئێستا پڕۆژەکە لە بەشێکی زۆری هەولێر و سلێمانی و دهۆک جێبەجێ کراوە.

چیرۆکی سەرەکی: بەشێکی زۆری هاوبەشانی کارەبای 24 کاتژمێری لە گەڕەکەکانی بەهاری نوێ و شادی، چەند مانگێک پێش جێبەجێکردنی پڕۆژەی ڕووناکی پێوەری زیرەکیان بۆ بەستراوە،  لە مانگی 9ـەوە کاتێک  کارمەندی وەرگرتنی پارە سەردانیان دەکات وەسڵیان نییە و پارەیان بۆ نەهاتووەتەوە، کە دەپرسن، دەڵێن ناوتان لەسیستەمی ڕووناکی نییە.

لێدوانی فەرمی: تیمی پڕۆژەی ڕووناکی بە ئاڤای ڕاگەیاند: هەر هاوبەشێک کێشەی هەیە پەیوەندی بە ژمارە 1992 بکات ڕێنوێنی و چارەسەریان پێ دەڵێن.