بەبۆنەی نەورۆزەوە لە شارێکی کوردستان پشوو ڕاگەیێنرا

ئاڤا نیوز

پارێزگاری سەڵاحەددین بڕیاریدا بەبۆنەی یادی نەورۆز و سەری ساڵی کوردییەوە، ڕۆژی پێنجشەممەی داهاتوو لە سنووری قەزای دووزخورماتوو بکرێتە پشوو.

ئەوەی پێویستە بیزانیت: بەگوێرەی یاسای پشووەکانی عێراق، ڕۆژی 21ی ئازاری هەموو ساڵێک بەبۆنەی نەورۆزەوە لە سەرانسەری عێراقدا پشوو دەبێت.

ڕاگەیێنراوی فەرمی: ڕاگەیاندنی پارێزگای سەڵاحەددین بڵاویکردەوە،

- بەدر ئەلفەحل، پارێزگار بڕیاریدا ڕۆژی پێنجشەممەی داهاتوو 20ی ئازار و بەبۆنەی جەژنی نەورۆزەوە، لە فەرمانگەکانی سنووری قەزای دووزخورماتوو بکرێتە پشووی فەرمی.

- هەر بەگوێرەی ڕاگەیێنراوەکە، پشووەکە فەرمانگە خزمەتگوزاریی و ئەمنییەکان ناگرێتەوە، ئەوان لە کارەکانیان بۆ ڕاییکردنی کاروباری هاووڵاتیان بەردەوام دەبن.